Human ang nagkaduol nga exhibition fight ni Pinoy boxing great Manny Pacquiao kang Japanese mixed martial artist Chihiro Suzuki sa bulan sa Hulyo, gikumpirma niini nga aduna na’y negosasyon ang ginaluto alang sa iyang comeback potential world title fight batok kang Mario Barrios.
Gikanayon sa 45-anyos nga boksingero nga daghan pang mga angay ayuson ang WBC welterweight world title fight sa American boxer nga si Barrios.
Dugang pa niini nga mamahimong sa Nobyembre o Disyembre apan depende sa mga resulta sa mga paghinabi.
Kahinumduman nga nagpadayag ug kagustuhan nga mosalmot sa Paris Olympics ang kanhing Senador apan wala kini nakasulod sa sumabanan sa International Olympic Committee.
Kapin duha ka tuig na ang ulahing professional fight ni Pacquiao apan kini ang napakyas batok kang Yordenis Ugas sa Las Vegas ug niadtong Disyembre 2022 ang nakigsangka kini sa exhibition fight kang DK Yoo sa South Korea.
