-- ADVERTISEMENT --
DAVAO CITY – Nasikop sa mga sakop sa Digos City Police ang usa ka lalaki nga nasakpang nanglungkab sa usa ka tindahan.
Giila ang suspek nga si Marjun Vallecra, 35 anyos, lumulupyo sa Barangay Bato Sta. Cruz, Davao del Sur.
Naaktohan mismo ang maong suspek nga gikulkog ang kandado sa saradong tindahan sa Quezon Avenue sa syudad sa Digos.
Nakuha gikan sa suspek ang usa ka punto trentay otso nga revolver nga dunay tulo ka buhing bala ug ang gamit niini nga screw.
Sumala pa sa Digos Police, dugay nang gipanubayan ang mga manlungkabay tungod sab sa mga reklamong ilang nadawat.
-- ADVERTISEMENT --
Anaa na sa kustodiya sa pulisya ang maong manglungkabay.
Via || LJ Florendo
