Mga Higala Komusta Ug Maayong Buntag!
Human nga miarangkada ang kampanya alang sa umaabot nga eleksyon karong bulan sa Mayo , ilabi na sa local nga mga posisyon , miarangkada na sab ang mga nagkadaiyang taktika diha sa pulitika pinaagi sa pagpangampanya sa mga kandidato nga buot muserbisyo sa mga katawhang Pilipino. Daghan ang mga estratihiya sa pagpangampanya nga atong nasaksihan dunay mugamit ug nagkadaiyang social media platforms ug dunay say migamit sa mga tradisyunal ng media karong panahuna .
Dunay mga pulitiko nga mupili ug gamiton ang mga tawo nga ilang natabangan ilabi pa kung kini sila ang subli nga mudagan aron sa paghatag ug testimonya pabor ngadto kanila pinaagi sa pagpangdayeg aron lang gyud makabalik sa pwesto ug ingon man ang pagsalig sa katawahan. Duna say uban nga gamiton ang istorya sa ilahang kinabuhi arong himuong inspirasyon sa mga botante, ug kasagaran baya niini nga gamiton ang kapobrehon. Duna poy tinuod, nga sila gikan sa kalisod apan duna gyuy uban nga gamiton ang pagkakabus kay nasayod man sila nga kadaghanan sa ilahang pangayuan sa mga boto mga pobreng katawhan man.
Dunay uban nga ibandera ang mga nahimo nilang mga proyekto sa lugar sulod sa panahon sa ilang paglingkod isip mga lider sa atong katilingban aron masiguro gyud ang kadaugan kay dili man gyud ikalimod nga dunay mga botante nga walay kasayuran kung unsa ang mga nabuhat nila nga kaayuhan diha sa ilahang lugar nga ilang gialagaran sa subli nila nga pagdagan , mao na nga ato pud nga masabtan kining nga matang sa estratehiya sa pagpangampanya nga gitawag ug white propaganda kay klaro man kung asa gyud ang tinubdan sa mga gipabuhagay nila nga mga propaganda.
Apan sa atong namatikdan karong panahon sa kampanya mas nipasulabi man ang mga pagpangdaut sa mga kandidato ngadto sa ilang mga kontra sa pulitika. Ug nakapait pa gyud niini kay walay muangkon nga gikan sa usa ka kaatbang sa pulitika ang pagpangdaot batok sa usa ka kandidato, nga mao kini ang gitawag nga usa ka matang sa black propaganda kay wala man gyuy muangkon nga gikan kini sa iyaha nga bisan ug klaro kayo nga gikan gyud kini sa katbang sa pulitika…Usa sa matawag nato nga kongktretong panag=ingnan karon ang bag-ong migawas nga video sa social media nga naglambigit sa pamilya ni Pangulong Duterte sa iligal nga droga nga unod sa maong video ang nagpaluyo sa mga sindikato sa iligal nga druga ug mga listahan sa giinong narco politician sa atong nasud. Sa maong video walay kasayuran kung kinsa gyud ang tinubdan pero ang publiko ang nakahibalo ng daan nga gikan kini sa kontra sa pulitika sa mga pamilyang Duterte gani usa sa mga gitumbok karon mao si Senador Trillanes nga nagpaluyo sa gipangbulgar sa usa ka nagpailang myembro kanhi sa sindikato sa iligal nga druga nga si Bikoy ug gilambigit si kanhi Vice Mayor Pulong Duterte.
Tungod sa bago-ong propaganda, nahimo na sab kining deskusyon sa mga katawhan kung ang nigawas nga video duna bay kamatuoran, nga buot gani sa mga anaa sa oposisyon karon nga paimbistigahan aron masayran ang kamatuoran, ingon man dunay say nag-awhag nga imbisigahan dihaa sa senado kay aron kuno mahinluan ang iyahang pangalan ug mapaklaro ang tanan, apan sumala pa sab sa kapulisan nga kung kini hatagan ug panahon sa gobyerno nagsayangsayang lamang kita sa gasto nga giisip nilang walay pulos nga video kay pagpangdaot lamang kini sa anak sa president kay nagpapipili man pagka congressman sa unang distrito ning dakbayan. Ug gibutyag sa malakanyang nga kini klaro kayo nga usa ka matang sa black propaganda sa mga kalaban sa pulitika sa atong pangulo ilabi pa nga nakita sa mga kontra nga solido ang suporta gikan sa mga katawhang Pilipino.
Dili na kini bag-o kanto nga mga matang sa propaganda, gani sumala pa sa uban nga kini nagpamatuod lang nga kung unsa ka hugaw ang pulitika dinhi sa Pilipinas.Mahunong pa kaha kini nga istilo sa mga pulitiko nga sukad paman kaniadto daw nahimo naman kining lamas sa piniliay sa Pilipinas? Dako ang atong pagtuo nga kining unang migawas nga black propaganda ang masundan pa samtang miaginod ang pagpangampanya karong panahuna.
