DAVAO CITY – Miduso ang Makabayan bloc sa House of Representatives ug resolusyon aron nga imbestigahan ang pagpatay sa mag-uuma nga magti-ayon nga sila si Leonila ug Ramon Pesadilla sa wala mailhing mga kalalakin-an karon lamang bulan sa Marso ning kasamtangan nga tuig.
Pinasikad sa House Resolution No. 983 buot sa mga magbabalaud nga imbestigahan ang motibo sa pagpatay kang Pesadilla.
Ang resolusyon giduso sa Makabayan bloc members nga sila si Anakpawis Rep. Ariel B. Casilao, ug Bayan Muna Rep. Carlos Isagani T. Zarate ingon man sila si Gabriela Reps. Emmi A. De Jesus, Arlene D. Brosas, ACT Rep. Antonio L. Tinio, France L. Castro, ug Kabataan Rep. Sarah Jane I. Elago.
Una na matud pa nga giduso ang resolusyon sayo ning bulan sa Marso.
Kahinumduman nga ang kamatayon sa magti-ayon nga Pesadilla ang nasaksihan sa ilang singko anyos nga apohan.
Nasayran nga ang magti-ayon nga Pesadilla nga miyembro sa Compostela Farmers Association ug ilado sa ilang komunidad isip mga Lumad advocate.
Gani gidonar pa sa magti-ayon ang ilang luna alang sa Lumad school Salugpungan Ta Tanu Igkanugon Community Learning Center (STTICLC) ug Spur Dos, Barangay Ngan sumala sa grupong Save Our School.
Susama sab sumala pa nga babag ang mga nahisgutan sa pagsulod sa Agusan Petroleum and Mineral Corporation, usa ka large-scale mining company sa Compostella Valley province.
Gikanayong ang Barangan Ngan mao ang usa sa mga areas sa Compostella Valley province nga sakop sa Agusan Petroleum and Mineral Corporation’s exploration nga adunay permit gikan sa Mines and Geosciences Bureau sa Department of Environment and National Resources.
