DAVAO CITY – Magti-ayon nga rebelde nga mibalik sa sabakan sa kagamhanan gipresenta sa Eastern Mindanao Command (Eastmincom).
Sa impormasyon nga gipadangat sa Eastmincom Spokesperson Lt. Col. Ezra Balagtey ipahigayon kini ugmang adlawa mga ala 1:00 ang takna sa hapon.
Usa niini mao ang usa ka alyas Allen, 21 anyos, taga-dakbayan sa Malabon, kanhi in-charge sa political wing sa Bagani Command 4 (SRRC-4) SMRC, diin padayon sila nga gipanid-an sila sa Davao del Norte ug Compostela Valley.
Kanhi 3rd Year sa BS Architecture student sa Polytechnic University of the Philippines (PUP) sa Sta. Mesa, Metro Manila.
Naila kini isip active organizer sa League of Filipino Student (LFS), organizer sab kini sa Caloocan City ug sa Bulacan.
Organizer sab kini sa Samahang Kabataan Democratiko sa Hacienda Luisita sa Tarlac City.
Misalmot kini sa Manilakbayan Protest March gikan dinhi sa Mindanao niadtong Septembre 2017.
Nahimamat niini sa kalihukan ang ka-livein partner nga naila nga usa ka Alyas Jinggoy kanhi kauban sa PBC-4 SRC-4 sa Southern Regional Committee sa bulan sa Pebrero niining tuiga dihang mi-surrender kini.
Kini ang pasiuna nga impormasyon nga gipagula sa Eastmincom.
Ipresenta sab sa Eastmincom ugmang adlawa ang lain pa nga mga NPA surrenderee.
