-- ADVERTISEMENT --
Naligo na sa ilang kaugalingong dugo sa dihang nakaplagan karong buntag, Agosto 20 ning tuiga ang magti-ayon sa Sibulan, Astorga, Sta. Cruz, Davao del Sur.
Sa naimong inisyal nga imbestigasyon, gitulis ayha gipatay ang mga biktima pinaagi sa pagmartilyo nga maoy nahimong hinungdan sa hinanalig kamatayon sa mga biktima.
Sa pagpanubay sa otoridad, napalgan ang patayng lawas sa babaye sulod sa balay, samtang ang lalaki, gituohang misulay sa pag-ikyas, apan naabtan kini sa kasagbutang bahin ug didto na hingpit nga gitapos sa suspek ang kinabuhi sa biktima.
Sa karon, nagpadayon pa ang imbestigasyon sa otoridad labot sa maong insidente, samtang nanawagan ang tagtungod sa mga biktima nga maangkon ang hustisya sa hinanaling panahon.
