Presyo sa petrolyo sa world market mikunhod human sa pagsuspendi ni US Pres. Trump sa pag-ataki sa Iran

Naobserbahan sa internasyunal nga merkado ang pagkunhod sa presyo sa kada bariles sa lana. Ang WTI Crude Oil gikan sa U.S., nga kaniadto $113–$117, miubos kini sa $93–$95.

Ang Brent Crude nga kaniadto $110–$111, mikunhod usab kini sa $93–$95. Ang Dubai Crude ug Oman Crude gikan sa $105–$115, miubos na sa $90–$95.

Sumala sa mga eksperto, ang pagkunhod sa presyo sa produktong petrolyo sa global market tungod kini sa pag-uyon sa Iran sa ceasefire offer gikan sa U.S. ug sa pag-abri sa Strait of Hormuz.

Bisan paman niini, gibutyag sa pipila ka eksperto nga bisan pa man abri na ang strait, dili dayon niini mabati ang epekto sa presyo sa merkado.