DAVAO CITY – Anaa sa 5.6 magnitude nga linog ang mitay-og sa pipila ka bahin sa Manay, Davao Oriental kaganihang kaadlawon.
Sa gipagula nga impormasyon sa Philippine Institute of Volcanology and Seismoloy (Phivolcs), nahitabo ang maong linog bandang alas-3:19 kaganihang kaadlawon diin natala ang sentro niini sa gilay-ong 51 kilometers sidlakan sa maong lugar.
Aduna kini gilawmon nga 26 kilometro samtang tectonic sab ang origin niini.
Intensity IV ang natala sa Manay, Tarragona, ug Caraga, Davao Oriental; Intensity III sab ang natala sa Mati ug Baganga, Davao Oriental samtang Intensity II sab diri sa syudad sa Davao.
Nasundan ang maong 5.6 magnitude nga linog og aftershock pasado alas-4 kaganihangg kadlawon nga miabot sab sa magnitude 3.1.
Hinoon, walay ginalaumang kadaut ang Phivolcs subay sa nahitabong pagtay-og.
