Napakyas ang Boston Celtics sa pagsilhig sa Dallas Mavericks sa 2024 NBA finals. Kini human sa 38-point blowout karong adlawa sa Game 4 sa American Airlines Center sa Dallas Maverricks diin gipangulohan ni Luka Doncic ang 122-84 nga kadaugan sa Mavs uban ang 29 puntos, 5 ka rebounds, ug 5 ka assists.
Nagsunod si Kyrie Irving nga adunay 21 ka puntos, 4 ka rebounds, ug 6 ka assists.
Nahimong x-factor sab si Tim Hardaway Jr.aron makalingkawas sa pagsilhig unta sa Boston human nga niitsa kini ug 15 points gumikan sa mga batikos niadtong Game 3 tungod sa zero point performance.
Samtang sa bahin sa Boston Celtics napakyas kini sa ilahang depensa diin nalimitahan lamang sa 10 points si Jaylen Brown samtang 15 points lang ang nadugang ni Jayson Tatum alang sa ilahang team tungod kini sa pagpasulod Coach Jason Kidd nila Exum ug Green nga dakong tabang sa ilang depensa sa gisaligan sa Boston Celtics.
Dakong tabang sab ang double-double performance sa sentro nga si D.Lively II human sa iyahang 11 points ug 12 rebounds nga labing batan-on nga nakapuntos ug plus 10 points ug double -double performance sa NBA finals.
Ang Game 5 ipahigayun karong Martes, Hunyo 18, 8:30 am (Ph Time) diin ang dula balik sa homecourt sa Celtics sa TD Garden, Boston, Massachusetts.
