DAVAO REGION- Tingkagol ang lima ka mga indibidwal nga nadakpan gumikan sa kalambigitan sa iligal nga droga atol sa gilusad nga drug buybust operation sa mga otoridad.
Subay sa report gilusad ang operasyon sa hiniusang pwersa sa kapulisan ug PDEA nga miresulta sa pagkabungkag sa drug den sa mga nahisgutan sa Purok Malabago, Brgy. Cogon, Digos City pasado alas siete ang takna kagabii.
Ang mga dinakpan naila nga sila Algay Estrebillo Abella alias “bulatik”, Construction Worker, usa ka Drug den maintainer 27-anyos nga adunay kaipon nga residente sa Purok Malabago, Punta Biao Brgy. Cogon, Digos City, samtang kauban sab niini sila Jinky Gurang Mison alias “Jin”, 26-anyos adunay kaipon ug residente usab sa Purok Malabago Punta Biao, Brgy. Cogon, Digos City, kauban sab so Jeffrey Estrebillo Abella , 40-anyos, Construction worker, minyu nga,residente sa Bangkal, ning dakbayan sa Davao, ikaupat mao si Joy Yurag Monacillo 33-anyos,mananagat, minyo, nga residente sa Purok Pakikisama, Brgy. Sinawilan, Digos City. Ug ang ika-lima si Null Aden,35-anyos, minyu nga residente sa Purok Kalingkatan, Brgy. Cogon, Digos City.
Ang mga dinakpan gikonsidera sa mga otoridad nga High Value Individual nga sa kinatibuk-an anaa sa 15.63 grams sa iligal nga droga kon shabu ang nakumpiska nga adunay Standard Drug Price nga mokabat sa 106,284. Sa pagkakaron ang mga dinakpan ang pasakhan kini ug kaso nga pagsupak sa RA 9165.
