DAVAO CITY – Lima ka mga health workers diin duruha niini ang mga frontliners sa Southern Philippines Medical Center (SPMC) ang nagpositibo tungod sa coronavirus disease (COVID-19).
Sumala pa kang SPMC chief of hospital Leopoldo Vega nga ang tulo ka mga non-SPMC health workers nga susamang mga doktor sa private hospital dinhi sa dakbayan ang nakaangkon og COVID-19 gikan sa usa ka pasyente nga ilang gitabangan aron nga ibalhin sa SPMC usa sa duruha ka mga hospital nga giila sa Department of Health-Davao aron maoy modumala sa kaso sa COVID-19 gawas sa Davao Regional Medical Center sa Tagum City.
Gimandoan sumala pa ang mga frontline health workers nga magpatuman ug extra precaution sa mga pasyente nga naka-confine sa balay tambalanan ug giila isip persons under investigation (PUIs).
Gitataw ni Vega nga tanan nga mga frontline health workers ang gimandoan nga mosuot ug full protective gear matag panahon nga makiglambigit kini sa mga PUIs nga gituohang nakaangkon ug infection.
Ang mga mapakyas sumala pa nga motamud sa protocols mamahimong makapabutang sa mga health workers sa risgo nga makaangkon ug infection.
Gitataw sab ni Vega nga kinahanglan siguruhon sa mga hospital nga mahatag ang gikinahanglan nga suporta sa mga health workers sama sa gikinahanglan nga resources sama sa PPEs, food, ug lodging.
