DAVAO CITY – Miubos ug 13% ang mga natalang index crimes sa Davao Region kon itandi sa datos nga gikatala sa Police Regional Office 11 niadtong tuig 2021.
Gikanayon ni PRO-11 spokesperson Police Major Eudisan Gultiano, dunay 1,395 index crimes nga natala ang kapulisan kumpara sa 1,610 kaniadtong tuig 2021.
Tungod niini, namatikdan ang pag-ubos sa mga krimen ug hangtud 23%.
Samtang muabot sa 23,569 ang mga natalang non-index crimes nga niubos gikan sa 31,753 sa miaging tuig.
Dugang pa sa pulisya nga nakab-ot niini ang 97.3 percent crime clearance efficiency rate karong tuig.
Sa pikas bahin, nakapahigayon na ug 2,161 operations ang PRO 11 nga gikakumpiska sa 1,200 ka mga armas ug P42.5 million nga kantidad sa mga ilegal nga droga.
Nasa 2,588 ka wanted persons ang malampusong nadakop sulod sa 2,161 police operations sa rehiyon karong tuig.
Matud pa, usa kini ka pagpamatuod sa kalampusan sa nagpadayong kampanya kontra kriminalidad sa tibuok Davao Region.
via || Bombo LJF
