Gipasalig sa Kingdom of Jesus Christ (KOJC) members ang kaandaman sa higayong maglusad na usab og operasyon ang mga otoridad sa nagkadaiyang bahin ug propiedad Pastor Apollo Quiboloy.
Kini human niguwa ang impormasyon kabahin sa second wave nga pagsulong sa mga otoridad bisan paman sa makadaghan nang higayon nga kapakyasan sa mga kapulisan nga makita ang pastor sa mga gidudahan niining lugar.
Sumala pa kay Eleanor Cardona, Executive Secretary sa KOJC, bisan paman dili makatarunganon ang plano sa mga otoridad nga pagsulong kalakip na ang laraw nga magpuyo ug usa ka bulan sa ilang compound, andam na silang ipaglaban ang ilang katungod nga pakigbatokan ang bakak ug kadaotan nga laraw sa gobyerno ngadto kanila.
Gawas pa niini, gibarugan sa KOJC members ang kamatuoran nga walay kamatuoran sa mga alegasyon batok kay Pastor Apolo Quiboloy.
Alayon niini, nakaandam ang tanang myembro sa KOJC nga ihatag ang ilang kinabuhi kung kinahanglanon aron lamang ipaglaban ang kamatuoran lakip na ang injustices nga ginahimo sa gobyerno ngadto kanila.
Kahinumduman nga kaniadtong Hunyo 10 ning tuig kasamtangan, gisulod sa mga kapulisan ang nagkadaiyang propiedad ni Pastor Apollo Quiboloy aron sa pag serve sa warrant of arrest apan pakyas ang mga nahisgutan nga madakpan ug makita ang pastor.
Gumikan sa maong lakang, daghanang mga kabatan-onan ug estudyante ang nangahadlok rason nga hugot kining gikondena sa ilang mga myembro.
Pagpasabot pa sa mga myembro sa KOJC, dili makatarunganon ang pagpahimulos sa katungdanan sa mga kapulisan aron sa pag-pangharrass ug pagdisturbo sa ilang simbahan.
Daan na usab gibarugan sa mga supporters niini nga wala nagtago si pastor apan igo lamang niining ginaprotektahan ang kaugalingon hilabi pa sa posibilidad nga pagpatay kaniya.
Ning kasamtangan, padayon ang pagbantay sa mga myembro sa KOJC sa mga nagkadaiyang gates sa mga propiedad ni Pastor Apollo Quiboloy dungan sa pagbarug sa kamatuoran nga walay gibuhat nga daotan ang ilang pastor.
