DAVAO CITY – Naglaom ang usa ka kidney specialist nga himuon nga mandato dinhi sa nasod ang organ donation aron nga masolusyonan ang kakulangon ug donors.
Sumala pa kang Southern Philippines Medical Center (SPMC) Nephrology Section chairman Dr. Franklin Guillano nga nadismaya siya gumikan ka yang Senate Bill 2096 o ang Organ Donor Act of 2019 nga giduso ni Senator Richard Gordon ang pakyas nga mapalabang sa 17th Congress.
Ilalom sa maong balaudnon, adunay “opt-out” donation system diin matag usa magsilbi nga organ donor.
Gikanayong ang Kidney donation adunay duruha ka sistema, diin sa opt-in system ang mga tao kinahanglan nga aktibo nga magparehistro aron nga modonar sa ilang organs sa higayon nga sila mamatay samtang ang opt-out systems mao ang organ donation diin otomatiko kini nga himuon ilabi na kung misaad na ang donor ayha pa man kini namatay.
Gi-angkon ni Guillano nga ang opt-out system wala nakaangkon ug suporta dinhi sa nasod dili sama sa Germany ug Canada.
Gitataw sab ni Guillano nga sa SPMC, adunay 500 ka mga pasyente nga mopailalom sa dialysis.
Sa nahisgutan nga ihap, 70 porsyento sa mga pasyente ang kandidato sa transplant apan aduna sumala pay kakulangon sa mga donors.
