DAVAO CITY – Gidagsa sa mga botante ang COMELEC Davao City Field Office sa Magsaysay Park, Davao City sanglit karong adlawa ang ulahing adlawa sa registration.
Gibahin na sa tulo ka lugar ang registration sa 3 ka distrito ning syudad.
Sumala kang Atty. Shajani Ibrahim, gilauman na nilang ang kadaghan sa mga tawo gumikan sa kamubo sa panahon, busa nagmuntar usab sila og mga satellite registration sa mga barangay.
Sa 3rd district lang nga data mukabat na sa 16,000 ang narehistro sukad nga nag abli ang COMELEC diin kadaghanan matud pa sa mga nagparehistro ang mga botante alang sa Sangguniang Kabataan Election.
Sagad sa mga nidugok karon sa COMELEC gikan sa mga lagyo og bukiron nga bahin sa syudad sa Davao diin pipila kanila kagabie pa nagpa abot.
Gumikan sa kadaghan sa tawo, wala nay gikabutyag nga oras og kanus-a ang cut off sa registration karong adlawa.
Mag agad nalang matud sila sa kutob sa ilang makaya og sa ilang makinarya.
Gikabutyag usab ni Atty. Ibrahim nga imposible ang extention sa registration sanglit wala’y memo nga gipakanaog gikan sa National Office sa Commission on Election.
Via || Hana Rallos
