DAVAO CITY – Gibutyag sa City Health Office (CHO) nga laoman sumala pa ang pagsaka sa kaso sa dengue sa dakbayan ilabi na nga misulod na ang rainy season.
Gikanayong sukad enero hangtud Mayo ning tuig kasamtangan, adunay 840 ka kaso sa dengue cases ang natala o halos 65-percent nga pagsaka gikan sa 543 ka kaso sa milabay nga tuig sa susama nga panahon.
Mikabat sab sa tulo ang natalang patay sa siyudad karong tuiga. Sa bulan sa Mayo, 105 dengue cases ang gika-report kung itandi sa May 2018 uban ang 95 ka kaso.
Sumala pa kang CHO district health nurse Ernie Cequiña, gipalig-on pa nila karon ang ilang gipatuman nga mga sumbanan aron nga mapugngan ang pagsaka sa dengue.
Gamiton sab nila ang “grassroots level” approach sa ilang ipatuman nga information education campaign (IEC) batok sa dengue.
Gikanayong luyo sa ilang gipahugtan nga kampanya, nakatala sumala pa ang health officer ug low reception gikan sa komunidad.
Gikanayong sa gipahigayon nga IEC sa mga personahe sa Tropical Diseases Unit sa CHO sa Barangay Ma-a, pipila ka lamang ka mga residente ang misalmot.
Samtang gibalik na sab sumala pa karon ang Anti-Dengue Task Force aron maoy magmonitor sa mga nagkadaiyang areas sa siyudad aron nga mapugngan ang mamahimong epekto sa pagkatag sa dengue.
