-- ADVERTISEMENT --
DAVAO CITY – Naghimas-himas na sa rehas sa prisohan ang tulo sa upat ka mga nadakpan sa gilusad nga drug buy bust operation sa Dumanlas Road, Buhangin, ning dakbayan sa Davao.
Kahinumduman nga gipangdakop ang mga suspek sa Buhangin Police Station kinsa giilang sila Rolando Urquilla Martinez, Jonald Lopez Suyom, Emmalyn Omonos Lumbo, ug usa ka 15-anyos nga dalaga.
Atol sa operasyon nakuhaan ang mga suspek ug upat ka pakete sa gituohang shabu, 3 ka putos sa dahon sa marijuana lakip ang markadong salapi gigamit sa operasyon.
Gihikay na ang kasong paglapas sa R.A 9165 o Comprehensive Dangerous Drugs Act of 2002.
Gitugyan sab sa City Social Services and Development Office ning dakbayan ang na rescue nga menor de edad.
-- ADVERTISEMENT --
