DAVAO CITY- Mokabat na sa 60 ka mga pulis ang naangol samtang nagpabilin ang Philippine National Police (PNP) sulod sa Kingdom of Jesus Christ (KOJC) compound sa Davao City aron i-serve ang warrant of arrest batok ni Pastor Apollo Quiboloy.
Sumala pa ni PNP spokesperson Col. Jean Fajardo nga kabahin kana sa mga peligro sa pagka-pulis ug busa angay lamang nga daygon ang kapulisan, gumikan sa pag-exercise og maximum tolerance.
Samtang naka-deploy na usab sumala pa ang pipila ka mga unit sa AFP sa KOJC Compound dinhi sa dakbayan sa Dabaw.
Dili man kini direkta nga gikumpirma ni PBGen. Agustos Alba ang Acting Directorate sa Special Task Group Techno Alpha nga adunay army sa sulod sa compound, apan gibutyag niini nga adunay laing agency sa force multipliers gikan sa gobyerno ang gipadala aron dili matud pa kini magkaguliyta ug wala sab sumala pa kini kalabutan sa warrant of arrest batok kang Pastor Apollo Quiboloy.
Tumong lamang sumala pa niini, mao ang mamahimong isip augmentation force alang sa Police Regional Office XI nga magsilbi isip deputize personnel arung tabangan ang kapulisan sa pagpabilin sa peace and order situation sulod sa KOJC Compound.
