DAVAO REGION- Nagpaklaro karon ang kapulisan sa dakbayan sa Tagum kabahin sa nahitabong komosyon sa usa ka boarding house nga adunay usa sa mga biktima nga gikaingon nga naalaan nga suspek napusilan patay kini sa mirespondeng otoridad.
Subay sa gipaguwa nga pamahayag sa kapulisan, atol sa pagresponde niini sa crime scene nasugatan sumala pa sa wala panganling pulis ang biktima nga si Arjay Cahilog nga niadtong tungura nagbitbit kini ug sundang sulod sa boarding house unang mga biktimang babae nga gidunggab patay sa security guard.
Giangkon niini nga napusilan nila ang biktima tungod nahulga ko na-trigger sumala pa sila gumikan sa pagdala niini ug sundang.
Tungod niini gipusil kini sa nirespondeng pulis ang biktima sa tiil apan nilihok matod pa kini ug didto naigo kini sa mahinungdanon nga parte sa iyahang kalawasan.
Una ng gikanayon sa kabanay sa biktima nga naigo kini sa pantog nga maoy hinungdan sa iyahang kamatayon.
Dugang pa sa pamahayag sa kapulisan nga human nila napusilan si Arjay, dali kining gidala sa ospital apan wala na kini masalbar sa mga doktor.
Gipaklaro usab sa kapulisan nga wala silay intensyon nga patyon nila ang nasampit nga biktima.
Kahinumduman nga una ng gibutyag sa PRO-11 nga adunay ipahigayon nga imbistigasyon ang Regional Internal Service kabahin sa nasampit nga panghitabo.
Nasayran nga si Arjay Cahilog 20-anyos, managhigala ug silingan sa mga biktimang babae nga unang gidunggab patay sa ilahang kwarto sa ka-boardmate niini nga security guard nga napatay sab sa mga otoridad.
Nasayran nga mosulay sumala pa ug pahimulos ang suspek ngadto sa mga biktima apan wala kini molampos. Sa karon gihaya na ang mga biktima sa ilahang tagsa-tagsa ka mga kabanay.
