DAVAO CITY – Anaa karon sa kustodiya sa Toril Police Station ang usa ka 39 anyos nga lalaki kinsa nakuhaan ug ginadili nga druga sa checkpoint sa Sirawan, Toril ning dakbayan nga kantidad sa P804,800.
Sumala sa Task Force Davao (TFD) sakay ang suspek nga nailang si Hidorick M. Aguilon, residente sa Phase 1 sa SIR New Matina, Davao City sa usa ka public utility van nga pasulod dinhi sa dakbayan.
Dihang gihiling kini sa otoridad, narekober gikan kaniya ang duruha ka mga dagkong pakete sa gituohang shabu ng mutimbang ug 50 gramos.
Nakuha sab gikan sa iyang posisyon ang P31,680 nga kantidad sa salapi.
Sumala sa mga personahe sa TF Davao kini ang pinakadakong kantidad sa illegal nga druga ang ilang nababagan nga planong ipayuhot pasulod sa dakbayan.
Nakadawat sab ujg pagdayeg gikan kang Colonel Darren Comia, kumander sa TF Davao ang security forces human ang pagkasikop sa suspetsado.
Una ng nanganti ang otoridad nga pahugtan pa nila ang mga lakang aron lamang masiguro nga dili makasulod sa dakbayan kadtong adunay plano nga magpayuhot ug mga kontrabando.
Gikatakdang pasakahan ug kasong paglapas sa Republic Act 9165 o Comprehensive Dangerous Drugs Act of 2022.
Ipailalom sab sa eksaminasyon ang mga narekober nga mga illegal nga druga gikan sa dinakpan.
