DAVAO CITY – Isip tubag sa panawagan ni Pangulong RODRIGO ROA DUTERTE nga bungkagon ang illegal nga druga ug kontrabando ingon man pagtamud sa guidelines nga gitakda sa Section 21 sa Republic Act 9165 o mas nailang “Comprehensive Dangerous Drugs Act of 2002”, gipangunahan ni Philippine Drug Enforcement Agency Regional Office XI DIR AILEEN T LOVITOS ug PBGEN BENJAMIN SILO JR., Regional Director, Police Regional Office Xi nga gire-presenta ni PCOL THOR VALIENTE P CUYOS, Officer-In-Charge, Deputy Regional Director for Operations ang nanguna sa pagsunog sa mga illegal nga druga sa Philippine-Japan Active Carbon Corporation, Malagamot Road, Panacan ning dakbayan.
Kinatibuk-ang 771.0722 grams sa shabu nga kantidad sa Php. 11,566,083 ug 2,109.5838 grams sa Cannabis sativa o “marijuana” nga kantidad sa Php. 253,150.056 o adunay kinatibuk-an ihap nga Php. 11,819,233.056 ang ilang gipangsunog.
Gisaksihan kini ni Hon. Emmanuel Carpio, Executive Judge, Regional Trial Court, Branch 16 sa Davao City, Pros. Jhoppe S. Avanceña, Chief, City Prosecutors Office, Atty. Suseyline B. Abtarul, Chief, Public Attorney’s Office, Hon. Eduardo Alterado, Barangay Captain sa Barangay San Antonio.
Ang pagsunog sa mga illegal drugs tipik lamang arun nga mawagtang ang espekulasyon sa publiko nga gina-recycle ang mga illegal drugs sa law enforcement agencies.
Una niini, gidayeg ni Dir. Aileen T. Lovitos commends ang nahimong pagpaningkamut sa lokal nga kagamhanan, Philippine National Police, ug uban pang law enforcement agencies, media ug kumunidad sa walay undang mga pagsuporta aron pakigbatukan ang illegal drugs.
Nagpasabot lamang sumala pa kini nga dili moundang ang otoridad ang paggukod sa kriminal ug susama nga mga kalihokan.
