Gipangulohan ni Police Colonel Mannan Muarip, acting director sa Davao City Police Office (DCPO), ang comprehensive personnel inspection ug pre-deployment briefing niadtong Septiyembre 21, 2025 sa DCPO Headquarters.
Ang kalihukan nagtimaan sa importansya sa husto nga pagpangandam sa wala pa i-deploy ang kapulisan, aron masiguro nga ang matag pulis fully equipped, well-guided, ug mission-ready sa pagpanalipod sa kinabuhi ug kahimtang sa mga Dabawenyo, lakip na ang tanang partisipante sa mga kalihokang panghinumdum.
Sa iyang mensahe, gipasiugda ni Col. Muarip ang panginahanglan sa pagbantay, disiplina, ug pagtahod sa civil liberties sa tanang operasyon sa kapulisan. Matod pa niini, ang pagpangandam maoy yawe aron mapadayon ang kalinaw, seguridad, ug pagsalig sa publiko.
Lakip sa security plan ang kapin usa ka libo ka pulis nga gi-deploy sa lain-laing lugar sa syudad aron masiguro ang kahapsay sa duha ka dagkong rally sa Freedom Park ug sa San Pedro Square. Gisaysay sab ni Muarip, alas 8:20 sa gabii, hapsay ug walay insidente nga natala ang duha ka rally.
Gipadayag sa DCPO nga padayon ang koordinasyon tali sa local government units, security and safety clusters, ug community partners, aron mapalig-on pa ang peace and security framework sa dakbayan.
