Kampo ni VP Sara Duterte, mihangyo nga ibasura ang gidusong mosyon sa Kamara labot impeachment

Gihangyo sa kampo ni Vice President Sara Duterte sa Korte Suprema nga ibasura ang motion for reconsideration (MR) nga giduso sa House of Representatives.

Kahinumduman nga ang maong gidusong mosiyon nga bawion sa korte ang nahimong desisyon nga gideklarang ‘unconstitutional’ ang articles of impeachment batok sa bise presidente.

Base sa 27 ka pahina sa komento nga makonsidera matud pa nga ‘lack of merit’ ang MR nga giduso sa House of Representatives.

Gibarugan sa Kamara nga dunay ‘factual errors’ ang desisyon sa korte diin ang pang-upat nga impeachment kumpleto na tandi sa naunang tulo ka kasong gipasaka.

Apan, depensa sa kampo sa bise nga daw nahimong buta ang Kamara sa desisyon sa korte ug klarong ‘diversion’ lamang matud pa kini.