DAVAO CITY – Usa ka bulan ayha ang ipahigayon nga Kadayawan 2019, pormal na kini nga gilunsad ni Mayor Inday Sara Duterte kaabag ang event partners sa dakbayan.
Sumala pa kang Mayor Inday nga ang kasaulogan sa Kadawayan usa ka thanksgiving ug paghinumdom sa kasaysaysan sa mga lumad nga anaa sa dakbayan.
Dungan niini, nanawagan si Mayor Inday Sara sa tanan nga mga Dabawenyos, Lumads, Muslims ug Christians nga makighiusa sa kapiyestahan sa dakbayan ug gamiton kini nga oportunidad aron padayon nga makakat-on sa matag usa.
Sa pikas nga bahin, mapasalamaton sab si City Tourism Operations Office (CTOO) Chief Gene Rose Tecson sa onse ka mga tribu sa dakbayan sa ilang padayon nga suporta sa siyudad ug sa komunidad.
Pinaagi sumala pa sa gipakita ngs suporta, malampuson nga napaila-ila ang Kadayawan dili lamang dinhi sa nasod kung dili sa tibuok kalibutan.
Karong tuiga, nakatutok sumala pa ang Kadayawan sa bantawan o cultural shows fdiin ipakita ang mga tradisyon ug sayaw sa 11 ka mga tribu samtang ang dula Kadayawan nakatutok sa mga tribal games.
