Gibutyag ni Solicitor General Menardo Guevarra sa Office of the Solicitor General nga gikatakdang kanselahon ang birth certificate ni suspended Mayor alice Guo sa Bamban, Tarlac.
Sumala pa ni Guevarra nga magduso sila og petisyon karong adlawa alang sa pagkansela sa live birth certificate niini.
Gani, kani matud pa ang sinugdanan alang sa pagpasaka og kaso kon petition for quo warranto batok sa naasoy nga mayor.
Kahinumdumang mitanyag sab ang National Bureau of Investigation (NBI) ug P50,000 reward sa bisan unsang inpormasyon nga mupadulong sa nahimutangan ni Alice Leal Guo nga adunay address sa Quezon City.
Sa listahan sa clearance sa NBI, nakita ang duha ka babaye nga adunay pangalang Alice Leal Guo diin ang usa ang nagagikan sa Bamban, Tarlac ug ang usa ang nagagikan sa Quezon City.
Samtang gisuspinde ang Bamban, Tarlac Mayor Alice Guo sa mga pagdungog sa komite sa Senado, wala pa gihapon migawas ang Alice Leal Guo gikan sa Quezon City.
