DAVAO ORIENTAL- Nakaangkon na ug trabaho ang 60 ka mga job seekers atol sa gipahigayon nga Job Fair sa provincial Capitol GYm sa probinsya sa Davao Oriental. Kini human nga kabahin sila sa mga na-hired on the spot.
Kini nga kalihukan ang kabahin sa Trabaho, negosyo, turismo ug kabuhayan asensong hamugaway program sa Probinsyal nga panggamhanan.
Samtang adunay 56 sab ka mga nearly hired nga mga job seekers gikan sa kapin 4000 ka mga bakanteng trabaho. Nasayran nga adunay 30 ka mga employers nga nipartisipar sa maong kalihukan.
Atol sa Job fair, gipahigayon sab ang libreng serbisyo gikan sa mga nagkadaiyang ahensya sa kagamhanan sama sa Department of Information and Communications Technology (DICT),National Bureau of Investigation (NBI), Professional Regulation Commission (PRC),Home Development Mutual Fund (Pag-IBIG Fund), Philippine Statistics Authority (PSA), Social Security System (SSS), Overseas Workers Welfare Administration (OWWA), Philippine Crop Insurance Corporation (PCIC), Philippine Health Insurance Corporation (PhilHealth), Department of Trade and Industry (DTI), ug ang Technical Education and Skills Development Authority kon TESDA.
