DAVAO CITY – Mibati karon ug kabalaka ang mga nag-pay in sa Rigen Wellness 2.0 Marketing sa Matanao Davao del Sur human nga hingpit na kini nga nanirado. Kahinumduman nga igo na lamang sa pagpost sa ilang kasuko ang mga investors nga nakapay-in sa ilang kuwarta.
Hangtud karon naglaom pa gihapon si alya Elliot nga makuha niya ang 100-mil pesos nga gipay-in sa kompanya niadtong Mayo 2.
Pipila sab ang nagkanayon nga gibaligya na nila ang ilang acknowledgement receipt (AR) aron lamang mabalik ang ilang kapital ilabi na nga imposible na matud pa nga motubo pa ang ilang gibutang nga kuwarta sa kompanya.
Una ng nagpahibalo ang Rigen nga magpahigayon sila ug massive pay-out apan pakyas ang mga investors nga makuha ang ilang kuwarta nga adunay dakong tubo.
Nanghinaut na lamang ang kadaghanan sa mga investors nga ibalik na lamang kanila ang kapital sa ilang gi-invest nga kuwarta.
Sa pikas nga bahin una ng gibutyag ni DILG Sec. Eduardo Año nga magpadayon ang ilang monitoring sa mga investment schemes nga nagpadayon sa ilang operasyon hangtud karong panahon kini aron masiguro nga maprotektahan ang katawhan ug dili masusama sa mga miyembro sa Kabus Padatuon (KAPA) ministry international incorporated nga ubay-ubay ang mga nabiktima ug naka-operate sulod sa taas-taas nga panahon.
