DAVAO ORIENTAL- Opisyal ng giablihan sa publiko ang Inalima 2024 Trade Fair and Exhibit sa Davao Oriental kagahapong adlawa.
Sumala pa sa Department of Trade and Industry XI nga ang Inalima Trade Fair ang usa ka tinuig nga aktibidad nga ginaselebrar atol sa founding anniversary sa maong probinsya.
Ang maong Agri-Trade, Tourism and Creative Trade Fair and Exhibit ang nagapakita sa kadato sa agrikultura ug artisanal heritage sa Davao Oriental.
Nagapakita usab kini sa nagkadaiyang matang sa produkto gikan sa mga lokal nga mag-uuma nga micro, small ug medium enterprises kon MSME’s ug mga producers.
Ang maong aktibidad ang gahatag og plataporma sa mga lokal nga entrepreneurs aron mabaligya ang ilahang mga produkto samtang nagapromotar usab sa cultural identity pinaagi sa pagpakita ug locally-made ug produced goods.
Gani nagkanayon si DTI XI Senior Trade-Industry Development Specialist Dominggo Cruz Jr. nga target sa maong Inalima 2024 Trade ang usa ka gatos nga mga MSME’s nga gi apod-apod sa nagkadiayang munisipyo.
Sa maong ihap, lakip na niana ang mga mananagat, mga kooperatiba nga naga display sa Kadiwa,mamaligyaay og bulak, ug uban pa nga nagkadaiyang kluster sa MSME’s.
Dugang pa niini nga ang lokal nga panggamhanan lamang ang nagdala ug pinaagi usab sa tabang og assistance sa DTI XI .
