DAVAO REGION- Padayon karon ang gihimong imbistigasyon sa nasunog nga super market sa Brgy.Población Dos, Bansalan Davao Del Sur kagabii taliwala sa kusog nga bundak sa ulan.Kasamtangan nga ginasuta sa kabomberohan ang hinungdan sa pag-ulbo sa kalayo pasado alas Dyes ang takna kagabii.
Sumala pa ni Fire Officer Maria Syvel Estremos, Clerk sa Bansalan Fire Station nga naabtan pa sila ug kaadlawon sa gipahigayon nga overhauling ug sa ginahimong clearing operation gumikan sa kadako sa sunog.
Una ng gideklara nga fire out alas Dusi pasado ang takna kaganihang kaadlawon.
Nasayran nga sulod sa dakong tindahan halos tanang mga paninda ang naugdaw. Nasayran sab nga kinsi ka tuig na nag-operate ang central warehouse sukad natukod kini sa nasampit nga lugar.
Sa pagkakaron ginasubay na sa kabomberohan ang hinungdan sa nasampit nga sunog ingon man ang kinatibuk-an nga danyos niini.
