Ginasaulog karon sa Bombo Radyo Philippines ang ika-58 ka tuig nga anibersaryo, isip Number 1 and Most Trusted Radio Network in the country!
Ginapasigarbo sa kinatibuk-ang network ang ‘commitment’ sa paghatod og balita pinaagi sa digital technology.
Nagpabilin ang Bombo Radyo sa tumong nga maghatod og kasaligang balita ngadto sa publiko samtang nagserbisyo sa katawhan nga dunay kusog nga presensiya sa industriya.
Gani, nunot pa man sa kabag-uhang dala sa ‘digital age’, magpabilin ang Bombo Radyo sa misyon niini nga mahatod ang tama ug komprehensibong ‘news coverage’ pinaagi sa 31 ka mga fully digitalized AM ug FM stations sa network.
Gumikan sa kalidad sa paghatod og balita ug public service sa Bombo Radyo, labaw na karong panahona nga gigamit og sakto ang social media alang sa paghatod og balita, mao kini ang nahimong hinungdan og nganong nagpabilin ang reputasyon niini isip kasaligang source sa mga impormasyon.
Samtang ang kalibutan padayon sa pag-adjust sa ‘digital advancements’, gipaniguro sab namu sa Bombo Radyo Philippines nga ‘committed’ sa paghatod og importanteng mga balita.
Magpabilin ang Bombo Radyo isip kasaligan ug dunay impluwensiyadong mga tingog sa industriya.
Sa ngalan sa amung chairman, Dr. Rogelio M. Florete ug President ug Chief Executive Officer, Ms. Margaret Ruth C. Florete, subli karong adlawa, Hulyo 6, 2024, amung ipasigarbo kaninyo ang nahimong kadaugan sulod sa 58 katuig nga walay kakapoy sa paghatod og serbisyo alang sa tanang Filipino diin sa paghatod og balita ug impormasyon, magpabiling fast first and accurate.
Basta Radyo, BOMBO!
