Nadungagan pa og 188 ang ihap sa mga biktima sa pabuto niadtong Bisperas sa Bag-ong Tuig, hinungdan nga mikabat kini sa 534 na ang kinatibuk-ang kaso, sumala pa sa pinakabag-ong datos gikan sa Department of Health (DOH).
Sumala pa sa ahensya, nagpabilin pa gihapon kini nga mas ubos og 9.8% tandi sa Bisperas niadtong nakalabayng tuig 2024, apan posible sab sumala pa kini nga muapas ngadto sa mga ulahing reports sa firecracker-related injuries.
Sumala pa sa datos sa DOH, 356 sa mga biktima ang nabuthan sa pabuto nga nakahiagomo og pagkasunog sa panit, samtang 28 sab ka mga indibidwal ang mipailawom sa amputation kon naputlan og bahin sa lawas.
Gawas pa niini, usa pa sa mga naangkon nga injury mao ang eye injury.
Dugang pa sa maong buhatan, nga sagad gihapon mga kabataan ug menor de edad ang mga nag-unang biktima sa pabuto.
Pahinumdum sa ahensya ngadto sa publiko nga ugaling mapabuthan man kini, kinahanglang mudangop gilayon ngadto sa balay tambalanan, aron nga dali kining matambalan.
