DAVAO DEL SUR- Gibarugan sa igsuon ni Anne Villarin nga walay kamatuoran ang matud pa “ayuda scam” nga gikalambigitan sa mga opisyal sa Brgy. Sinawilan sa Matanao, Davao del Sur.
Pagsaysay pa ni Alice, nga nakurat siya sa gibuhat sa iyang igsuon nga nagpost gilayon sa social media bisan pa man nga kini mismo ang mi-volunteer sa paglista sa iyang pangalan ug nagsaad nga tunga-on nila ang iyang madawatan.
Gitawag pa niiini ang iyang igsuon nga walay baruganan ug matud pa nahaylo sa kwarta human matud pa nilihis sa ilang nasabutan human niini nadawat ang P10,000.
Gani, dungan pa sila sa iyang igsuon nga namalengke human nila madawatan ang P10,000 ug wala gayud siya nagdahom nga aduna na diay gihambin nga aligotgot ang iyang mabdos nga igsuon.
Pagpaklaro pa sa igsuon ni Anne, nga wala nasayod ang mga opisyal sa ilang baranggay sa ilang nasabutan busa dako usab ang kaulaw niini nga nabatian gumikan sa paglambigit sa mga opisyal sa ilang baranggay.
Kahinumduman nga gipasakaan og kaso nga criminal case ug administrative charges ang mga opisyales sa nahisgutang baranggay ubos sa mando ni DWSD Secretary Rex Gatchalian.
Ning kasamtangan, gibarugan sa iyang igsuon nga nagsulti siya sa kamatuoran ug gani nasayod usab si Anne Villarin sa kamatuoran diin taliwas sa iyang gipadayag sa social media aron lamang makakuha og simpatya gikan sa katawhan.
via/ DMA
