Gitugtan sa International Criminal Court (ICC) si kanhing Pangulong Rodrigo Duterte nga dili motambong sa iyahang tinuig nga detention hearing karong Pebrero 27, usa ka lakang nga nakapahasol sumala pa ug nakadismaya sa mga biktima.
Sumala sa desisyon nga gipagawas sa Pre-Trial Chamber I niadtong Pebrero 25, walay nakasulat sa legal framework sa korte nga nag-obliga sa personal nga pagtambong sa suspek.
Kahinumduman nga nagpasa ang depensa og written waiver nga nagpamatuod nga nasabtan ni Duterte ang mga epekto sa iyahang dili pagtambong ug nagpili nga ipalihok na lamang kini sa iyahang mga abogado.
Alang sa Common Legal Representatives of Victims (CLRV), ang padayon nga dili pag-atubang ni Duterte sa korte labaw pa nga nakapadismaya ngadto kanila.
Sumala kang counsel Paolina Massidda, naglaum ang mga pamilya nga makita ang kanhi pangulo nga motubag sa mga mahistrado.
Bisan paman niini, nagpadayag og kalipay ang mga abogado sa klaro ug maayong presentasyon sa ebidensya sa Prosecution.
Gibutyag usab sa CLRV nga gipadayon ang anonymity sa mga biktima sa pagsaysay sa ilahang mga istorya isip usa ka importante nga lakang alang sa ilahang seguridad ug kaluwasan.
