DAVAO CITY- Nagduso na sa ilang Certificate of Candidacy ang mga mukandidato ilawom sa Hugpong sa Tawong Lungsod aron magpapili isip konsehal alang sa 2025 midterm election.
Lakip sa mga miduso mao sila Radge Nino Ibuyan, kansang nagfile og COC isip konsehal sa 1st district sa Davao City, diin buot niining ipadayon ang mga programang nasugdan sa pamilya nga Ibuyan ilabi na matud pa sa edukasyon sa mga kabatan-onan.
Nagfile usab og COC karong adlawa si incumbent councilor Bonz Andre Militar, alang usab pagka konsehal sa 1st district sa Davao City diin iduso sumala pa og makalingkod pag-usab mao ang Digitalization sa syudad.
Sulayan usab ni incumbent 1st District Councilor Tek Ocampo nga makalingkod sa konseho aron iduso ang kaayuhan sa kinaiyahan ug senior citizens.
Gikan usab sa Indigenous Peoples Mandatory Representative (IPMR), mifile og COC isippagka-konsehal si Rodolfo Mande alang sa 3rd District dinhi sa dakbayan.
Mifile usab og COC si Davao City Second District Councilor Al Ryan ALEJANDRE kaganihang hapon.
Lakip usab sa mga mifile mao si Pamela Librado Morata alang sa pagkakonsehan sa 1st district dinhi sa dakbayan.
Samtang buot usab magpapili pag-usab ni First District Councilor Jessica Bonguyan, alang sa iyahang ikatulong termino ning umaabot nga eleksyon.
