DAVAO CITY- Gi-designate karon sa lokal nga panggamhanan sa Davao ang Headquarters sa Task Force Davao nga nahimutang sa Sta. Ana Wharf ning dakbayan isip usa sa mga drop-off points sa mga buot magdonar ug maghatag og hinabang alang sa mga apektadong lugar sa Bagyong Paeng.
Nag-unang panginahanglan karon sa mga nahimong biktima sa bagyo mao ang pagkaon nga ready to eat, Bottled Water, Hygiene Kits, banig, habol, utensils ug mga candies ug dulaan alang sa psychosocial intervention alang sa mga batang apektado.
Sa pikas bahin, kinahanglan usab ang nagkadaiyang klase sa medisina sama sa cefuroxime, co amoxiclav, cefixime, clindamycine, lozartan, amlodipine, metformine, antibiotic ointment, mefenamic acid, calmoseptine cream, tetanus toxoid, cefuroxime, tambal sa ubo ug uban pa.
Alang sa dugang mga impormasyon, mamahimong mo contact kang Bob Bulaclac sa numero nga 0963 261 8484 o dili ba kaha sa TF Davao pinaagi sa numero nga 09173057826.
