DAVAO CITY – Migula karon sa social media ang gikayong sulat gikan sa Federal Tribal Government of the Philippines (FTGP) nga mihangyo sa gobyerno nga tugutan ang Kabus Padatuon (KAPA) nga mag-operate sulod sa 72 oras.
Unod sa nahisgutan nga sulat, buot sa FTGP nga ibasura ang tanan imaginary ug premeditated cases batok sa nahisgutan nga organisasyon.
Gilagdaan sumala pa ang nahisgutan nga sulat sa usa ka Datu Douglas S. Mangcal, FTGP provincial tribal chieftain sa Blaan Tribe sa Davao del Sur, ug sa uban pa nila nga mga opisyales.
Nanawagan ang nahisgutan nga grupo sa kagamahanan nga paboran ang KAPA gumikan kay dako sumala pa ang natabang niini sa mga lumad.
Gitumbok ni Mangcal ang Ipra Law of 1997, Republic Act 8371 nga maghatag ug proteksiyon sa mga lumad.
Mi-apela sila sa gobyerno ilabi na nga daghanang mga lumad sab ang apektado sukad nga gipa-undang ang operasyon sa Kapa.
Gipadala ang nahisgutan nga sulat ngadto sa Office of the President, United Nation’s office, Secretary, Ombudsman, Department of Justice ug sa Department of the Interior and Local Government (DILG).
