DAVAO CITY – Gimandoan gilauon ni PBGEN BENJAMIN H SILO, JR ang pagpahigayon ug region-wide verification kalabot sa nahimong payahag ni Senator Leila M. De Lima nga adunay na-missing nga peace consultants nga gibihag sumala pa sa lain nga insidente sa Davao del Norte sulod lamang karung bulan sa Marso.
Gikanayong ang grupo ni Ezequiel Daguman ang na-missing kaniadtong Marso 7, 2022 samtang miadto sa komunidad sa banana plantations sa New Corella, Davao Del Norte.
Tungod niini gimandoan gilayon sa opisyal si Davao del Norte Police Provincial Office (DNPPO) Provincial Director, PCOL ANTONIO D ALBERIO JR, DNPPO Provincial Director nga mandoan ang tanan nga mga hepe sa kapulisan sa iyang area ilabi na sa New Corella MPS nga i-validate ang nahisgutan nga report apan migula nga negatibo kini.
Gikumpirma niini nga mibisita ang Commission of Human Rights 11 sa New Corella Municipal Police Station arun nga magpahigayon ug imebstigasyon kalabot sa maong report.
Apan subay sa blotter book ug uban pa nga mga dokumento, wala sumala pay gikatala nga missing persons sa New Corella, Davao Del Norte sukad Marso 1 hangtug 28 niining tuig kasamtangan.
Hangtud nga migula ang impormasyon nga usa ka Ezequil Cortez Daguman alias Rey/Ry ang napatay sa engkuwentro sa mga sakop sa 10th ID in Brgy. Tupaz, Maragusan, Davao de Oro sa milabay nga adlaw diin nakuhaan pa ang mga nahisgutan ug high powered firearms.
Una ng giila sa militar si Ezequil nga miyembro sa Communist Party of the Philippines (CPP) Central Committee ug Deputy Secretary sa Regional Operations Command sa Southern Mindanao Regional Committee (ROC-SMRC).
Gani aduna pa kini record sa warrant arrest nga gilangkuban sa kidnapping ug serious illegal detention, double murder robbery with violence serious illegal detention ug murder nga gi-isyu sa 11th ug 12th Judicial Region Brach 10,11,30,23, ug 14.
