Magpabilin ang full alert status nga gipatuman sa Philippine National Police (PNP) hangtod karong tungang gabii.
Gipahayag ni PNP Spokesperson PCol Jean Fajardo, nga dili mahimong kampante ang PNP sa pagbantay sa seguridad sa Metro Manila, bisan paman nga matapos na ang State of the Nation Address (SONA) ni Pangulong Ferdinand Marcos Jr.
Magpabiling magbantay ang kapulisan sa mga kadalanan, samtang daghan usab ang magbantay sa palibot sa Batasang Pambansa pagkahoman sa SONA.
Niadtong adlaw nga biyernes, July 19, adunay gipahigayong send-off ceremony sa kapulisan.
Niadtong alas-6 sa buntag sa adlaw nga Sabado, gipataas dayon ang full alert status.
Gi-activate usab ang Task Force Metro Manila Shield ug nagmugna ug border control.
Bisan paman nga mukabat na sa 23,000 ang gi-deploy nga security forces, gipaneguro usab ni Armed Forces of the Philippines spokesperson Col. Francel Margareth Padilla nga nakaandam pa ang mga sundalo nga ideploy kung gikinahanglan.
