Gikumpirma ni kanhi Pang. Rodrigo Duterte atol sa gipahigayong presscon kagabie nga subli kining mudagan isip Mayor sa dakbayan alang sa 2025 local elections. Gibutyag usab niini nga si Davao City Mayor Sebastian ‘Baste’ Duterte ang iyang running mate o bise-mayor.
Gani, ayha matud pa kini mulupad paingon ngadto sa kauluhan, magfile una kini.
Sa higayon sab matud pa nga mulingkod na kini isip mayor, sa higayong plaraon matud pa kining makadaog, tanan matud pang mga nagapayuhot og iligal nga droga nga anaa ning kasamtangan sa dakbayan, palayason niini gumikan miganti kini nga mamatay gayod sila.
Samtang, gibutyag niini nga gustuhon man niining magpapili isip senador, di na matud pa niini makaya ang pagpangampanya gumikan sa gilapdon sa angay adtuang katawhan.
Kahinumdumang nauna ng nagfile sa iyang COC si Rigo Duterte II, ang anak ni COng. Paolo Duterte aron magpapili isip 1st District Councilor ning dakbayan.
