DAVAO CITY – Aduna na matud pay kapili-an ang mga overseas Filipino workers ug travelers paingon sa Middle East human nag gikumpirma sa opisyal sa Civil Aviation Authority of the Philippines (CAAP) nga gikatakdang ilusad sa Qatar Airways ang ilang flight tali sa Doha, Qatar ug Davao City karong bulan sa Hunyo ning tuig kasamtangan.
Atol sa gipahigayon nga ITB Berlin sa milabay nga Marso sa Berlin, Germany, gi-anunsiyo ni Qatar Airways Group Chief Executive Akbar Al Baker nga gikatakda nilang ilusad ang flights dinhi sa dakbayan sa Davao nga usa sa ilang pito ka mga bag-ong destinasyon sulod karong tuiga.
Samtang ang laing destinasyon ang gilangkuban sa Lisbon, Portugal; Malta; Rabat, Morocco; Langkawi, Malaysia; Izmir, Turkey ug Mogadishu, Somalia. Una na sba nga gibutyag ni Francisco Bangoy International Airport manager Rex Obcena, nga “all systems go” na sila sa Doha-Davao flight.
Himuon sumala pa ang flight sa Doha-Davao route kausa matag semana sa adlaw nga biyernes.
Ang outbound flight nga gikan sa Davao ang adunay evening flight.
