Gikumpirma sa Commission on Elections (Comelec) nga mitugma ang fingerprints sa election record ni suspended Bamban, Tarlac Mayor Alice Guo sa Chinese National nga si Guo Hua Ping.
Sumala pa ni Comelec Chairman George Erwin Garcia, sa findings sailang fingerprint experts, nag-match ang fingerprints sa mga dokumento ni Mayor Guo.
Lakip niini ang dokumento sa Immigration nga gigamit sa NBI, NBI clearance, certificate of candidacy, application for voter’s registration, Election Day Computerized Voter’s List kaniadtong 2022, ug Election Day Computerized Voter’s List Barangay ug SK Elections kaniadtong 2023 nga sumala pa kining tanan nag-match sa fingerprints sa Chinese passport holder nga si Guo Hua Ping. Kini sumala pa sailang law department, dugang ni Garcia, dunay tukmang factual basis aron magpadayon sa imbestigasyon.
Sa musunod nga semana, magdesisyon ang Comelec kung pakasuhan na ba ang suspendidong alkalde sa Regional Trial Court gumikan sa material misrepresentation nga milabag Omnibus Election Code.
Kahinumduman nga una ng nadiskubre sa NBI ang pagkatugma sa fingerprints ni Mayor Guo sa Chinese National nga si Guo Hua Ping human kini mikuha og NBI Clearance.
Sigon pa sa Bureau of Immigration, nga wala pa nakagawas ang supendidong alkalde sa nasud.
Dismayado usab ang pipila ka mga Senador sa National Bureau of Immigration ug sa Philippine National Police gumikan hangtod ning kasamtangan wala pa madikop si Mayor Guo taliwala sa arrest order sa Senado kaniadtong Hulyo 12.
Samtang sa pikas bahin, sumala pa sa PNP, usa kini kadakong dagok aang kanila, apan gisiguro niini ang publiko nga dili sila moundang sa pagpangita ug taman sailang makaya ipaatubang nila ang alkalde sa senado.
