Nagtuo ang Presidential Anti-Organized Crime Commission (PAOCC) nga mamahimong mag-inusara na lamang si suspended Bamban, Tarlac Mayor Alice Guo homan niini gi-renounce ang pagka-chinese citizen dungan sa pagkahanaw sa mga kabtangan niini.
Gipahayag ni PAOCC spokesman Winston John Casio, kini homan migawas sa examination sa National Bureau of Investigation (NBI) nga ang fingerprints ni Guo ang susama sa fingerprints nga nagngalang Guo Hua Ping.
Timailhan kini nga dili Filipino citizen si Guo ug wala usab kasegurohan nga dawaton usab sa China si Guo, hinungdan nga wala na kini mapadulngan pa.
Posible usab nga mawala ang tanang kabtangan ni guo sa Pilipinas lakip na ang 7.6 hectare Baofu compound kung diin nakabarog ang gironda nga Zun Yuan Technology Inc., nga usa ka iligal nga Philippine offshore gaming operator (POGO) hub. Bisam ang mga transaksyon niini isip mayor ang giimbestigahan na usab.
Samtang, gibutyag sa Philippine Amusement and Gaming Corporation (PAGCOR) nga gisulayan sa usa ka kanhi Cabinet official nga mupataliwala aron mahatagan ug gaming license ang pipila ka Philippine Offshore Gaming Operators (POGOs) nga gironda ug nadeskubrehan nga nalambigit sa mga iligal nga kalihukan.
Apan, wala ginganlan sa ahensya ang kanhi opisyal ug gikanayon lamang niini nga kanhi Miyembro sa kabinete.
Apan, gikatakdang panganlan kuno sa PAGCOR chief sa proper forum ang pangalan sa kanhi Cabinet member nga migamit ug kwarta aron ma-impluwensyahan ang gobyerno sa operasyon sa iligal nga POGO lakip na ang mga panghitabo nga mipadulong sa pagkuyanap sa iligal ug criminal offshore gaming operations.
Gipahayag usab ni PAGCOR Chairman and CEO Alejandro Tengco nga gikinahanglang imbestigahan usab sa mga awtoridad ang nahimong papel sa mga kanhi opisyal sa paghatag ug lisensya sa POGO applicants nga adunay makadudang backgrounds.
Isip regulator, gikanayon sa opisyal nga mandato nilang seguruhon nga ang adunay valid nga lisensya lamang ang tugutang mag-operate sa gambling ug gaming activities.
