DAVAO CITY – Bisan nga nakapabalik na sa ilang mga pinuy-anan ang mga mihikilin nga mga residente kagahapon sa pipila ka mga lugar sa dakbayan tungod sa nasinatian nga mga pagbaha, aduna pa gihapoy mga bakwit sa pipila ka mga dapit sa Davao region ang nagpabilin sa mga evacuation centers gumikan kay taas pa gihapon ang tubig sa ilang mga lugar.
Matud pa kang Leoncio Cirunay director sa Office of the Office Civil Defense (OCD) 11, mikabat sa kapin 1,000 ang gihiklin sa ComVal samtang ubay-ubay sab ang sa Davao Occidental human nga misaka ang tubig sa mga kasapaan ug midagko ang mga balud sa kadalanan nga hatud sa hanging amihan.
Gitataw ni Cirunay nga dili pa mamahimog nga makabalik sa ilang mga pinuy-anan ang mga residente sa Comval ug Davao Occidental kini human ang nahimong pahimangno sa Pag-asa nga molungtad pa hangtud sa weekend ang masinatian nga mga pag-ulan.
Pabiin sab sumala pa ang ilang gipatuman nga red alert status o nagpasabot abli ang ilang disaster operation center sulod sa 24 oras.
