DAVAO CITY – Nagpagawas na ug pahayag ang Davao City Police Office mahitungod sa alegasyong pagpanulis sa duha ka mga sakop sa DCPO nga nahitabo sa Purok Ondok Gawan, General Santos City.
Robbery with force and intimidation ang gibuhat sa mga nalambigit nga mga opisyal nga sila P/Chief Master Sgt. Reynante Medina sa Foot Patrol and Bike Unit, ug P/Master Sgt. Christopher Ararao sa Bunawan Police nga usa ka akto sa paglapas sa RA 10591 o Comprehensive Firearm and Ammunition Regulation Act.
Gimando na karon ni Police Brigader General Benjamin Silo ang pag-relieve sa mga nahisgutan lakip ang ilang mga immediate supervisors ug commanders.
Gipasaka na sab ang kasong administratibo batok kanila.
Kahinumdumang gitulis sa mga pulis ug laing duha pa nilang kaubanang sibilyan ang panimalay sa negosyanteng si Jack Faeldin diin nasignit nila ang kapin P165,000 nga danyos sa mga kagamitan.
Balhug gihapon sa prisohan ang mga nalambigit sa maong pagpanulis.
via || Bombo LJ Florendo
