DAVAO CITY – Naugdaw sa managlahing sunog ang pipila ka mga kabalayan nga dungang nahitabo bandang hapon, Marso 3, dinhi sa Davao City dungan sa pagsugat sa Fire Prevention Month.
Unang napaig sa kalayo ang mga balay sa Km 13, Zone 2, Panacan, Davao City diin miresponde ang daghanang kabumberohan sa nahitabong sunog.
Sumala sa Barangay Council, 2 ka pamilya ang naapektuhan.
Nasayran nga duha ka mga batan-on ang hapit matanggong sa sulod, apan malampuson sab silang naluwas sa otoridad.
Temporaryong naipit sa trapiko ang mga naglatas sa national road atol sa pagresponde sa mga mga bumbero.
Samtang sa unahan, nahitabo ang laing sunog sa may Purok Pisces, Bucana, Brgy. Lasang, Davao City diin daghan sab nga mga kabalayan duol sa coastal area ang gilamoy sa dagkong kalayo.
Ning kasamtangan, gihikling na ang mga nabiktima sa evacuation center. Hinuon, walay mga gikatahong casualties atol sa duha ka sunog.
Pulos pa ginatun-an sa BFP 11 ang hinungdan og damyos sa nahitabong sunog.
Kahinumduman nga gikumpirma sa BFP-Davao nga misaka sa 20% ang mga insidente sa sunog niadtong 2023 kon katugbang sa lapas 600 ka mga kaso kon itandi sa lapas 500 niadtong tuig 2022.
