DAVAO CITY – Nanguna ang duha ka Dabawenyo sa resulta sa Pharmacist Licensure Examination.
Subay sa gipagawas nga November 2022 Pharmacist Licensure Examination results sa Professional Regulations Commission kon PRC, Rank 1 si Ritch Joshua Dela Cerna Villadarez, ang alumnus sa University of Immaculate Conception nga nakakuha og 92.65% rating.
Top 7 usab si Jomar Casiginan Salubre kinsa alumnus sa San Pedro College nga dunay 92.00% rating.
Samtang sa top performing school, rank 4 ang San Pedro College – Davao City, gumikan 89.84% percentage pass o 115 gikan sa 128 examinees ang nakapasar.
Anaa usab sa rank 5 ang University of Immaculate Conception – Davao City, tungod sa 88.37% percentage passed o 114 gikan sa 129 ang nakapasar nga mga examinees.
Sa katibuk-an, anaa sa 2,390 ang nakapasar sa Pharmacist Licensure Examination gikan sa 3,828 examinees nga gipahigayon ning nakalabay’ng Nobyembre 9 hangtod 10.
via || Bombo Mel Valledor
