DAVAO CITY – Nasikop ang duha ka call center agents atol sa gipahigayong buybust operation sa usa ka motel sa San Pedro St., Davao City.
Muabot sa 3 gramos nga pakete sa gituohang shabu nga nagkantidad ug kapin P48,000 ang nasignit sa San Pedro Police gikan kang Dexter Duray Castillo alias “Yors”, 46 anyos, taga-Sto. Niño, Buhangin; ug Vincent Joseph Claveria Uy alias “Bince”, 39 anyos, residente sa Del Pilar Ext., Sta. Cruz, Agdao, ning syudad.
Una niana, positibong napalitan sa nagpailang buyer ang usa ka pakete sa droga gikan sa mga dinakpan.
Nakumpiska sab ang ubang mga drug paraphernalia, coin purse, cellphone ug marked money nga gigamit sa operasyon.
Mag-atubang ug silot ilawom sa Republic Act 9165 kon Comprehensive Dangerous Drugs Act of 2002 ang mga suspek samtang gipangtanggong karon sa selda sa San Pedro Police Station.
via || Bombo LJ Florendo
