Migawas sa nagapadayong imbestigasyon sa otoridad nga adunay laing “Alice Leal Guo’. Dako karon ang pagtuo ni Sen. Risa Hontiveros nga posibileng ‘stolen identity’ lamang ni Bamban suspended Mayor Alice Guo ang ginadala niini karon nga identity.
Kini ang gumikan kay nasayrang adunay lain pang Alice Leal Guo nga dokumento na nakuha sa mga otoridad gikan sa database sa National Bureau of Investigation nga adunay susamang adlawang natawhan niini nga Hunyo 12, 1986.
Sumala pa ni Sen. Hontiveros ang duha ka mga indibidual ang adunay susamang adlawang natawhan, pareha ang pangalan apan lahi kaayo og larawan.
Dugang pa niini nga sulagma lamang ba o conincidence nga adunay duha ka Alice Guo nga gipanganak sa susamang adlaw sa Tarlac niadtong tungura.
Matud pa niini nga coincidence lamang matud pa nga ang maong NBI Clearance ang gi-apply human ang pipila lamang ka adlaw ayha ang adlaw nga na-file ang late registration sa birth certificate sa gisuspendeng mayor.
Kon kahinumduman wala nakatambong si suspended Bamban, Tarlac Mayor Alice Guo sa pagpadayon sa imbestigasyon sa Senado sa gironda nga Philippine Offshore Gaming Operators (POGO) hub sa lungsod niini. Kini ang gikumperma sa abogado niini nga si Atty. Stephen David, sa pagkanayong not feeling okay ug sick and stressed ang Mayor.
Giimbestigahan ang mayor sa Senado gumikan sa POGO hub sa Bamban, homan nakita nga personal kining nalambigit sa pagproseso sa mga dokumento sa operasyon niini.
Gikwestyon usab ang citizenship ni Guo gumikan sa dili magkatugmang testimonya mahitungod sa background niini ug anomalosong dokumento sa pagka-Filipino niini.
Samtang gibasura usab sa Office of the Ombudsman ang petisyon ni Guo nga wagtangon na ang six-month preventive suspension nga gipasaka batok sa iyaha nga adunay kalabutan sa Bamban POGO.
Gipahayag sa Ombudsman nga adunay nakitang lig-on nga ebidensya nga gipasaka kang Guo ug sa uban pang respondents. Gawas sa Mayor, gisuspende usab sa Ombudsman sila si Bamban Business Permit and Licensing Office (BPLO) officer Edwin Campo ug Municipal Legal Officer Adden Sigua.
Sa dugang bag-ong akusasyon batok sa maong Mayorm gipadal-an kini og subpoena ni Sen. Rise Hontiveros ug mibahad nga siye for contempt kini og dlimagpakita.
