DAVAO CITY- Laraw karon sa syudad sa Davao nga magdugang ug mga Parke nga tukuron ilabi na sa Coastal Road nga bahin.
Samtang ipadayon usab ang pagpalambo sa 4-hectares nga People’s Park nga nahimutang sa downtown area dinhi sa syudad sa Davao.
Nasayran nga ang Magsaysay Park nag-andam na sab usab alang sa pag-upgrade tungod nakadawat kini og P15 milyon nga cash grant, usa ka premyo nga nadag-an sa City Government gikan sa Tourism Champions Challenge alang sa usa ka tourism ug culture hub sulod sa parke.
Sumala pa sa mga environmentalists, ang pagtukod og mga parke sa City Government sa Davao usa ka maayong lakang.
Gikanayon sa grupo nga ang mga parke dako ang papel niini ilabi na sa pagpaubos sa kainit ug naghatag usab kini og lugar alang sa sosyal nga aksyon, pagsuroy sa mga tawo uban ang mga bata nga mag-enjoy sa parke.
Sumala pa ni Environmental Research Officer sa NGO Interfacing Development Interactions for Sustainability (IDIS) nga si Justin Joshua Pungyan, ang mga parke ug ilahang mga punoan ang nagahatag og kabugnaw sa usa ka lugar ilabi na sa kasamtangan nga kainit sa urban area.
Sa pag abli sa bag-ong gi-renovate nga 1-hectare nga Toril Public Park sa Agton Street, Toril District, ang Davao City karon aduna nay 26 ka public parks nga nagkatag sa tulo ka distrito dinhi sa siyudad.
