DAVAO CITY – Napuhag sa gikasang buy bust operation pwersa sa Philippine Drug Enforcement Agency Regional Office XI og National Bureau of Investigation SEMRO ang drug den dinhi sa syudad diin dakpan usab ang maintainer niini og parokyano.
Malampuson ang operasyon nga gikasa sa Purok 4, Sitio Basak, Mintal, Davao City nga nagresulta sa pagkasikop kang Marlou Tano alyas Loy, 39 anyos, minyo og residente sa maong lugar.
Napalitan ang nahisgutan og usa ka gramo nga shabu nga nagkantidada og Php. 10,000. Naabtan usab sa drug den silang Milfa Top, Rolando Tuquib og Harris Umeres nga naatlang nag pot session.
Samtang laing 2 ka medium heat sealed transparent plastic sachets with ang narekober nga nagtimbang og 11 gramos og nagkantidad og Php. 165,00 og Drug paraphernalia.
Gipaabot nalang sa kapulisan ang lab result sa gipadalang mga suspected shabu aron pormal na nga mapasaka ang patong patong nga kasong dunay kalapasan sa RA 9165 nga amoy atubangon sa mga dinakpan, kinsa anaa karon sa kustodya sa kapulisan.
